+100,000 Pts on KhanAcademy

December 9, 2015 § Leave a comment

I have finished first 100,000 energy points, Now i have 127750 with 36 badges 😀

check my Profile on khan-academy :
Untitled

Advertisements

HBD 20

September 2, 2015 § Leave a comment

HBD on Social 🙂

20 years!

wpid-screenshot_2015-09-02-21-32-09.png wpid-screenshot_2015-09-02-00-18-02.png

ما قبل العشريين 😁😁

August 31, 2015 § Leave a comment

من 3 سنين كان عندى هدف انى اعمل او ابدأ start-up قبل سن الـ20 ، وقضيت فترة منهم بقرأ واجمع فى اشخاص واتعرف عليهم واقابلهم ، اقرأ كتب ، اتفرج على افلام لرواد الاعمال او اعمل اتابع رواد اعمال او مدراء تنفذيين على تويتر لدرجة تقريبًا ان كان كل حاجة بقرأها او بشوفها مكنتش بتبعد عن كلمتين “رواد” او “entrepreneurs” او ايًا من مشتاقتهم …
المهم قعدت فترة برضو بجمع افكار واشوف الناس عملت ايه ووقعت فى ايه والحاجات دى ، لحد ما بدأت فكرة ايًا كان ايه هى وبدأت عشان انفذها وواحدة واحدة بدأت وحصل فيها شوية لخبطة خلتنى اغير فيها لدرجة انى غيرت فيها تقريبًا كل حاجة الا اساسها ، وبدأت اكتب Model و business plan بعد ما احد الاشخاص وجهنى لكدة وجمعت ناس يبقوا معايا وبدأت اتعرف على ناس عشان تساعدنى نزلت اماكن كتير وطبعًا كل ده كان على حساب حاجات تانية من حياتى على رأسهم دراستى ، المهم بعد فترة بدأت المشاكل المتوقعة مافيش فلوس ، الناس اللى معايا بيقضوا وقت ، انا كمان كنت مشتت وقلقان عشان مخسرش ، عملنا اخطاء اهمها اننا اعلنا عن حاجات فى الـbusiness plan المفروض اصلا محدش يعرفها ، كمان انا معرفتش اختار الشخصيات اللى تقف معايا صح ، عشان كدة معرفناش نبدأ !- بعد لما فشلت فى دى ، او مبدأتهاش وسيبتها ، جاتلى فكرة لـ start-up تانية ، وكانت فكرة قوية مش هقول نسبيًا بس هقول على الاقل هتجيب فلوسها ، بدأت افكر فيها وكتبت الbusiness plan بالتفصيل والمرة دى الفكرة كانت محمسانى اشتغل ، بدأت اقنع ناس تانين بالفكرة وبدأنا نتجمع عشان نعدل الـbusiness plan وندرس السوق ونشوف المنافسين ونجمع افكار والحاجات دى ، وبدأنا ننفذ المرة دى كنت بشتغل بقلب عشان اكتشفت ان فى حاجة اسمها تمويل جماعى ممكن يساعدنا كتير فى البداية ، انا تقريبًا كنت بقضى اكتر من 4 ساعات يوميًا على مواقع التمويل الجماعى اشوف الstart-ups وصحابها واحاول اتواصل معاهم بقى عندى مخزون كبير خلانى لما بقيت بنزل استفسر على حاجة مع ناس كبيرة اتكلم عن فهم مش زى المرات الاولى خالص 😁😁 ، المهم بدأنا وكل حاجة جه رمضان 2015 اللى كانوا معايا شغلهم قفل وقتهم خالص ، بعدين مواعيدهم مكنتش منسبانى عشان نتقابل لحد دلوقتى احنا على اعتقاد اننا ممكن نتقابل ونكمل ونبدأ خاصة احنا جبنا ديزاينر كمان اختارنا الاسم وعملنا اللوجو …
بس انا حاليًا مش عندى استعداد اجرب تانى على الاقل فى مصر تحديدًا الفترة دى 😏

– كان وقتى مشغول جدًا عشان فى المرحلتين كنت بتعلم حاجات عشان لو هندفع فلوس ، ابقى فاهم الفلوس اللى هتدفع هتجيبلى قيمتها ولا لا ، او كنت بتعلم حاجات جديدة زى الديزاين مثلا او الويب ديزاين عشان احاول على قد ما اقدر مصرفش فى حاجات مش مهمة اوى او على الاقل مش مهمة فى البداية زى الموقع مثلا !

قبل ما انهى فى حاجة عايز اقولها ، معظم الناس كانت حابة تساعد بس لما يشوفوا حاجة على الارض ، بس انا مش مقتنع ابدًا ان اللى بدأ هيكون محتاج مساعدة زى قبل ما يبدأ 😏

الحاجات اللى انا اتعلمتها كنت بكتبها على category هنا فى المدونة هتلاقوها فى اللينك ده

الحمد لله انى اتعلمت كدة على الاقل فهمت حاجات كتيرة ومهمة اوى مكنتش اعرفها ..

تجربتى مع تنظيم وقت النوم

July 15, 2015 § Leave a comment

انا شخص مبلعبش رياضة بانتظام وحياتى كلها متلخصة قدام شاشة اللاب ولما بقفله بفتح الموبايل ولما ببعد عن الاتنين بروح العب بلاى ستاشين فتقريبًا الحاجة الوحيدة اللى بتشتغل هى دماغى بس 😞 .. فى قاعدة بتقول ان الحاجة بتجيب نفس الحاجة ولو طبقنا ده على “الخمول” فاعتقد ان يومى كان مثالى يخلينى خامل طوول اليوم ، كنت بنام كتير جدًا برضو وللاسف الموضوع ده بقى عادة وسلوك وجزء منى كنت بنام فى حدود 10 ساعات متوسط وبصحى بكون عايز انام تانى 😴 .. طبعًا ال 10 ساعات دول مع كسل كان بيخلينى منجزش اى حاجة فى اليوم !

فقررت انى مش هنام كتير وهقلل النوم خالص ، ضغطت على نفسى فى فترة وقولت هنام بعد كدة الساعة 12 الضهر لحد الساعة 6 المغرب ، تنام متأخر عشان تحس ان اليوم خلص منك وانك نمت كتيير والعالم اتغير وانت ملحقتش تحضر التغيير العظيم ده فكنت بصحى الساعة 6 المغرب 6 وشوية كدة حاسس بالاحساس ده ، المهم عودت نفسى على عدد ساعات النوم دى لدرجة انى لما كنت بصحى كنت ببقى حاسس انى نمت بزيادة ، واقتصرت مشكلة النوم عندى من مشكلتين”الوقت الكتير ، وميعاد النوم الغلط ” لمشكلة واحدة وهى ميعاد النوم الغلط ، وده انجاز طبعًا 💪 ..

قولت فى يوم انا هطبق اليوم ده وجيت على نفسى وفضلت صاحى لحد الساعة 12 بالليل تانى يوم مقدرتش فدخلت نمت لاقيت نفسى صاحى الساعة 6 بالظبط من غير اى منبه .. اجبرت نفسى انى افضل صاحى لحد نفس الميعاد اللى هو 12 بالليل بالفعل فضلت صاحى وكنت بصحى فى نفس الميعاد الساعة 6 عملت النظام ده for loop لحد ما اتعودت ، والحمد لله دلوقتى مبقتش انام كتير خالص ممكن 5 ساعات نوم يكفونى جدًا زى ما انا صاحى لحد دلوقتى ومنمتش غير 4 ساعات بس ومش حاسس بكسل ..

النوم حلو ومفيد وبيحافظ ع الصحة والحاجات دى ، لازم تنام عدد كافى اللى هو من 6 ساعات/يوم بس اليوم بيخلص بسرعة جدًا ومش بنلحق نحقق فيه 50% من اللى المفروض نعمله فعشان كدة لازم نظبط مواعيد نومنا باى طريقة ، فى ناس بتنام وهى واقفة اساسا 😀

انصح جدًا بانك تلعب رياضة بدنية “مش جيم” وتلتزم جدًا فيها هتظبط جسمك احسن من الجيم وهتخليك مصحصح ، فى ناس بتنام فى الاماكن العامة وشباب المفروض متبقاش منهم 😎 لو مش بتحب النادى انزل عمل تطوعى 😊

فى App حلو للاندرويد اسمه Sleep as android ده منبه بتحدد من عليه الطريقة اللى انت عايز تصحى بيها بيتيح طرق كتير زى مثلا (تحل مسألة رياضية  – تلاحظ المختلف – العاب بسيطة …)”levels” ومش بيقفل المنبه غير لما تجاوب صح ده هيساعدك جدًا تصحى 😊 …

متتعودوش ع النوم الكتير ، حاولوا تعملوا كل يوم To do list جديدة كليًا 😉

اخيرًا سبّقت

July 6, 2015 § Leave a comment

عندى او “كان” عندى مشكلة اجتماعية بسيطة ، بس مش بسيطة اوى يعنى كنت بالفعل مكتسبها من صغرى والاشخاص اللى حواليا كان عندهم نفس المشكلة دى فلما كبرت وبدأت ارتبط بالمجتمع الكبير ، بدأت الدنيا توضح شوية “ايه ده انا ازاى كدة لا انا لازم اتغير 😏 ” – عارف انت الجملة اللى ديمًا بتقولها لنفسك لومرت عليك ساعة بتتفرج فيها على فيديو مش مفيد او نمت بيها 3 4 ساعات نوم زيادة “لازم اتغير” 😊😁 – بدأت اجرب اعملها ع الفيسبوك واخلى اصدقائى المقربيين تعمل زيى عشان نشجع بعض ، واحدة واحدة عدينا نصف المشكلة وفضل النصف التانى والاهم مؤخرًا عرفتله طريقة رائعة ع تويتر بس الفكرة كلها محتاجة حتة شجاعة صغنونة ومافيش مانع لو النتيجة مجتش بالمللى برضو عادى هتحاول تانى المهم توصل فى الاخر للى انت عايزه وده بالظبط اللى حصل معايا فى الاخر وصلت للى انا عايزه ببساطة جدًا الحمد لله 😊

كمـلت الـ 19 سنة

September 2, 2014 § Leave a comment

hbd 19

Where Am I?

You are currently browsing the شخصية category at Orange Notes.

%d bloggers like this: