الـ Shit الاجتماعـى

September 7, 2015 § Leave a comment

الـ shit بمعناه المصرى بياخد لفظ مش كويس انى اكتبه على مدونتى ، عشان كدة انا كتبته بالانجليزى وبالله عليكوا مش عايز حد يقعد يقولى ما هما الاتنين نفس المعنى عشان اللفظ فى الشتايم غالبًا بيكون اهم  ، فياريت “دعونا نبدأ فى صمت” 😁😁

– اعرف اتنين عندهم نفس الاسم الاول واسم العائلة طبعًا مع اختلاف الشخصيات والكليات والعقليات برضو والبيئة ، الاول أستاذ بقسم الآشعة التشخيصية فى كلية طب جامعة اسكندرية والتانى ممكن نقول مش معاه ابتدائية او معاه ثانوية مثلا معرفش بالتحديد بس عنده قناة ع اليوتيوب ، الاول قالوا احنا مش عايزينه ده انسان ابن *&)^% واعتقلوه والتانى الدولة عملت منه نموذج يقتدى به لمجرد انه قالك مافيش صاحب يتصاحب مافيش راجل بقى راجل عزبة محسن ناس تمام هتعورنى اعورك هبوظلك منظرك 😂😂

– زمان كان اللى يتكلم بغير الفصحى ع التلفزيون يبقى خرج عن النص ، المثل بيقول لكل مقام مقال ، فمينفعش تقول على ناس بيقولوا مافيش صاحب يتصاحب وشوية هرى انهم فنانين وان ده فن وتروج لبيئة شعبية “زبالة” – ملقتش غير اللفظ ده – المفروض ترتقى بيها مش تشجع اصحابها انها تفتخر بيها وتشجع اللى فيها انهم يخرجوا الـ shit بتاعهم علينا ، احنا ذنب اهالينا ايه 😠 ؟؟

– ستايل الشباب والبنات بدأ يتأثر بكدة ، قشطة احنا عارفين ان اغلبية الشباب معندهاش عقل او بمعنى ادق عقلها بيتساق بقدوتهم – اللى هما اشباه حسن البرنس و محمد رمضان والاشكال دى – فتلاقى حسن البرنس مثلا لابس تيشيرت الحوض بتاعه لنصف بطنه حاجة “يع خالص😷” وتلاقى الشباب اللى بتتساق بتقلده عادى خالص برضو ، محمد رمضان مثلا بيعاكس البنت بلفظ معين تانى يوم العيال اللى بتتساق بتعاكس بنفس الطريقة يبقى انت كدة فسدت مجتمع كامل بشوية عيال ملهاش لازمة عملت منهم قادة وفنانين وقصص نجاح ملهمة 👔🎩

– الدولة بشكل او بآخر بتحاول تروج للبيئات الشعبية الزبالة سواء فى فيلم او فى دوشة ويسموها مهرجان او فى برامج تليفزيونية ، مش عارف ايه السبب بس النتيجة انهم بيطلعونا كشعب مصرى المفروض فاهم بيطلعونا شوية ناس تافهة متستحقش تعيش اصلا ..

– الـ Shit كله بقى متمركز حول الفن ، ومحاولة منهم للتنويع – تعبانين معانا ربنا يكرمهم – وزعوا الـ Shit على العلم بقى كمان العلم اللى بيطبلوله Shit وطبعًا فى امثلة كتيرة زى الكفتة فيرس C وده على اول قائمة علم الـ Shit وطبعًا ما عليك سوا انك تتابع تلفزيوناتهم وانت هتستمتع بنفسك حضرتك 😞

طاب واحنا الناس اللى معترضة على كدة المفروض نعمل ايه ⁉

الجزء ده بقى للاجئيين المصريين فى جمهورية مصر العربية بخلاف عزبة محسن 👥 ، انت كواحد معترض على الحاجات المقرفة دى مينفعش تبقى التلاتة دول “🙈🙉🙊” قدامك حلول كتير :-

1- لو لاقيت حد بيسمع القرف ده ، اوعى تقوله متسمعهوش عشان هتدخل معاه فى نقاش وغالبًا هتطلع منه بجلطة ، فانت الافضل تشتمه وتقلل منه ومن اللى بيسمعه وقوله ان الناس الزبالة بس اللى بتسمع الحاجات الزبالة ..

2- لو الشيطان 👺 لعب فى دماغك وقالك فى مهرجان حلو اوى اسمه كذا ، قوم صلى ركعتين واسمع قرآن ولو كنت مسيحى متصليش ركعتين واسمع انجيل علطول ولو كنت ملحد او من عبدة الشيطان اسمع كلامه عشان متدخلش النار 😄😄

3- انشر البدايل ومتبعدش عن العيال اللى بتسمع الحاجات دى لازم توجهم عشان الناس دول زى ما قولت “بيتساقوا” فسوقهم انت بفكرك بدال ما حد يسوقهم بفكرة مضادة لفكرتك !

اخيرًا حابب اقول حاجة ، هى مش عنصرية الفكرة كلها ان المجتمع المفروض يرتقى ويبقى نضيف ، مش بننزل احنا كل ما اتقدم الزمن ،متسكتوش عشان هنعانى فى الآخر لو الناس دى انتشرت اكتر من كدة …

Advertisements

Tagged: , , , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading الـ Shit الاجتماعـى at Orange Notes.

meta

%d bloggers like this: