ايام سودة 😃

July 18, 2015 § Leave a comment

#ايام_سودة

هتكلم عن 3 حاجات

  • الحاجة الاولى : طبعًا انتوا اكيد حاسيين بان النت الفترة دى بطئ جدًا مش زى العادة  ، وده بعد ما ثورة الانترنت حققت اهدافها العظيمة واستجابلها المسوؤلين المهتمين “بعناد الناس” وقالوا هيعلنوا عن اسعار وانظمة جديدة للانترنت فى مصر ..
    المهم هما فعلا اعلنوا عن اسعار جديدة قالك ايه بقى الواحد اللى كان بيدفع 95 جنيه فى نت واحد ميجا وبيحمل unlimited هيدفعهم فى نفس ال1 ميجا بس ليه عدد معين بس من الجيجات يتصفح ويحمل منهم ، لو خلصوا اشرب من البحر او روح جدد الاشتراك وده مثال لاحد الانظمة .. يعنى بدال ما كانوا بيدولك سرعة محددة وتستغلهم براحتك طول الشهر لا هيدوك سرعة عالية بس تستغلهم فى حدود … والسرعة هتخليك تخلصهم بسرعة 😃
    وده معناه انك لو متعود تفتح من جوجل كروم وتتفرج على فيديوهات وتعمل داونلود باعتبار انك لوحدك مش هيجى عليك يوم 20 فى الاشتراك ده لو انت دافع 95 جنيه !
    متخيل حكم المهزلة 😑 وعلى فكرة النظام هيتعلن وهيبدأ تنفيذه بعد العيد 😊
    CKIby3tUkAAWxs_

  • الحاجة التانية : مصر مفيهاش فلوس ودى حاجة متقدرش تنكرها طالما القائد والزعيم بيقول كدة ، وعشان يحلوا الازمة دى جابوا احد عباقرة البلد وقالهم حل اللى هما يزودوا العملة المصرية يعنى بدال ما يطبعوا 10 خمسينات مثلا هيطبعوا 50 خمسينات ،ساعتها الجنيه مش هيبقى ليه لزمة وبدال ما انت بتدفع 3.5 جنيه فى شيبسى هتدفعهم فى الشيبسى اللى بجنيه ليه عشان السوق العالمى بيتعامل بالدولار وساعتها الدولار هيعلى قدام الجنيه المصرى او بمعنى ادق هيجيبه الارض وللتوضيح هيجيبه الارض ويقعد عليه او اى معنى سافل ممكن دماغك توصلهولك وانت لو شغال شغلانة على قدك مرتبك مش هيزيد انما لو فى حاجة حكومية او حرامى مرتبك هيزيد واحتمال يعوض الزيادة وده هيخلى الفقير يبقى فقير فشخ والغنى يبقى غنى فشخ والطبقة المتوسطة تبدأ تختفى تدريجيًا ..
    وده طبعًا من ادلته الفلوس الجديدة اللى اتعملت
    11703202_783413135114245_873050807868528118_n-620x330 ..

  • الحاجة التالتة : ان فى ناس كتيرة عايشين الوهم ومصر دولة عظمى وهترتقى والناس بتحسدنا وبتاع وان قناة السويس هتحللنا الازمات والدنيا هتبقى فل الفل ومش بعيد يوزعولنا رز بلبن فى البيوت واللى مش بيحب الرز بلبن الحكومة هتوزع عليه *”قائمة طعام مش منيو” وهو يختار وكل شوية ناس فرحانة ومبسوطة وبتهلل للزعيم القائد “وادى جاهل بيشتم اهو يعنى هو السيسى هيعملكوا ايه” مش ده اللى يخليك تتعصب اللى يخليك تتعصب ان اللى بيقولوا كدة اساسا مش لاقيين ياكلوا 😃 حقيقى مش لاقيين ياكلوا 😪

طاب والحل 😏 ؟!
فى حلول هقول منهم 3 :-

  • الحل الاول : زى ما قالى احد الاصدقاء الحل ديمًا فى السفر ، تسافر تشتغل فى بلد تقدرك وتعاملك بالدولار بس تيجى مصر تلف على صحابك تزورهم وترجع تانى .. عارف انت “حس بينا يحس بيك ربنا” 😃 ومتنساش طبعًا تيجى تموت فى مصر 😃

  • الحل التانى : “اعمل بيزنس” ابقى بيزنس مان قد الدنيا واتعامل بالدولار برضو واعلى واحدة واحدة لحد ما تعدى الخط وتوصل للطبقة الغنية واعملك مشاريع واستثمارات وخليك هنا عيش فيها وموت فيها برضو 😃 او حتى اشتغلك اى حاجة فريلانس المهم تتعامل بالدولار !

  • الحل التالت : اى وظيفة فى الجيش روحها اى حاجة انشالله لو هتكون “شغلتك على المدفع بررم” 😃
    لو عندك حل تانى قول 😊

ملاحظات بقى 😃
– مش معنى اننا كدول عربية خربانة جدًا ومافيش فيها اى امل وانتوا كرهتوها وكدة ، انكوا تسيئوا للدين او اللغة او الهوية العربية ، متظلموش حاجات ملهاش ذنب وعلى فكرة ده اخر حاجة لينا ع كوكب الارض فبلاش نخسروه !
– ياريت لو انت كنت من مؤيدين السيسى او من الناس الزياطين اللى بتتكلم وخلاص يا ترد بعقل يا تحط لسانك فى بؤك وتسكت عشان مش ناقصاك 😑
– وبعدين الكهربا مقطعتش اهى ، عايزين ايه تانى ؟! هو كلام وخلاص
– ياريت محدش يقولى انت اخوانى يالا؟ عشان بتضايق وربنا 😏
– تفائلوا وان شاء الله يكون البوست ده الشيطان هو اللى خلانى اكتبه وخاصة ان رمضان خلص 😉

اذكرنى واياكم بحديث لتوفيق عكاشة مع حياة الدرديرى ، بجد على فكرة 😊
– هو : يعنى يا حياة هو العيب فى مين ؟ السيسى ؟
– هى : لا طبعًا العيب فى الشعب 😑

لو حد شاكك فى حاجة قولتها يطالبنى بمصدر 😀

Advertisements

Tagged: , , , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading ايام سودة 😃 at Orange Notes.

meta

%d bloggers like this: