ازاى تجذب بنت

April 12, 2015 § Leave a comment

Don__t_Shy_by_sincity2

ازاى تجذب بنت 😀

قبل بس ما ادخل فى المقالة حابب اوضح حاجتين 🙂

اولهم ان فكرة المقالة كانت من واحد صاحبى معتقد جدًا انى ممكن اكلم اى بنت فى العالم مهما كانت درجة احترامها او جمالها او اى حاجة من كدة ومعتقد كمان ان اكونت الفيسبوك بتاعى ملئ بالرسائل الغرامية والقلوب والحاجات دى وانى فى الواقع كل يوم بخرج مع فلانة وعلانة ، وديمًا يقولى علمنى ازاى ابقى زيك وانا الحقيقة مش عارف اقوله ايه بس اقترحت عليه مؤخرًا اكتبها احسن عشان انظم افكارى واعلمه صح ويكون مرجع لو نسى 😛 ..
– ثانيا برضو احد اصدقائى المقربين اللى يعرف عنى كل حاجة حمسنى انى اكتب مقالة زى دى وكان رده “انت بتكلم قرايبك البنات بالعافية” ودى حاجة حمستنى جدًا انى اثبتله قدراتى الخارقة فى كدة 🙂 ، غير انى حمست نفسى وخصوصًا لانى اعتدت على الكلام الرسمى والتقليل من الهزار على قد ما اقدر لدرجة كبيرة شوية ودى حاجة مش لطيفة اوى ..اصدقائى المقربيين جدًا كلهم حرفيًا ملهمش لا علاقات ولا تجارب سابقة مع بنات ، عشان كدة انا عانيت جدًا عشان اكتبلكم النصائح دى ، بس اللى انا بأكد عليه ان كل المواقف المذكورة مواقف حقيقية بحت !احد اصدقائى المهووسين اللى بيسعى لتغيير نفسه للافضل دائمًا ، بيسألنى سؤال ايه اللى يخلى بنت تسيب كل الولاد وتبصلى انا ؟! اثار استغرابى عندما شعرت انه سؤال ولم يكن غيرى معه فبالطبع سؤال موجه لى فطلبت منه تكرار السؤال مرة اخرى ، ملقتش اجابة جاهزة فقولتله اشمعنى انا اللى بتسأله ؟
اتذكر اخر حوار دار بينى وبين واحدة ع الفيسبوك انى كنت بدور على شخص اعرف انه عبقرى فى حاجة عشان عايزه وناسى اسمه وصاحبى كمان ناسى اسمه فلما سألت عنه قالولى ده مرتبط ببنت اسمها فلانة وفلانة دى انا كنت عارفها من اكتر من 7 سنين فناسى شكلها اساسا ، فلما بحثت عنها ع الفيسبوك فلاقيت بنت شبها مافيش بنا اصدقاء مشتركة خالص فبعتلها اسألها انتى اسمك فلانة ايه ؟ قالتلى اسمها الرباعى وفى الاخر قالتلى مش انت ابن طنط فلانة 😮 ، ناهيك عن الصدمة اللى اخدتها بس الحمد لله :)انا فكرت انى لازم اقوله 26 سبب يخلوا اى بنت تنجذبله ، ففكرت قليلا خالص وكتبت الـ 26 سبب اللى هعرضهم دلوقتى ..1- يكون مميز فى شخصيته واكيد ميكونش مميز بحاجة وحشة ..
2- يكون عنده هوس بحاجة مبدع فيها ، يعنى يكون عنده اهتمام بحاجة ، ليه هواية عارف يكون جيك ، الجيكس مغناطيسات ..
اعرف ولد تانى شخصيته كارتونية الى حد ما كان بيحب بنت اكتشف انها موجودة معاه على نفس الجروب بتاع الرسم وجروب حلقات الكارتون الشهير اللى اسمه باليابانى وانا ماليش فى اليابانى بس هى طلعت حمقاء الى حد كبير انها على الاقل رفضت تبقى صاحبته وهما ليهم نفس الاهتمامات ، اكيد ده معندهوش غير الحاجة دى بس من الـ 26 حاجة  !
3- يكون لابس نضارة عشان نظره حرفيًا ضايع ميلبسهاش منظرة ..
4- يتصور مع طفل او طفلة ويحطها صورته الشخصية على مواقع التواصل الاجتماعى ..
5- يكون اجتماعى او انطوائى مش عارف يعنى بالتحديد ..
6- ميكونش بيشرب سجاير عشان ساعتها مش هيحقق لا الشرط الاول ولا السادس ..
7- يكون صاحب مشروع او ستارت اب انشالله ميكسبش جنيه واحد ..
8- ميمشيش مع الموضة يكون ليه ستايل فى لبسه ..
9- ميكونش عصبى او يكون عصبى مش عارف بالتحديد برضو ..
10- يكون جرئ ومغامر وخيالى ومشغول بس ميكونش مشغول اوى ..
مش زى واحد اعرفه حب بنت لمجرد انها عملتله لايك على بوستين متتاليين ليه على جروب الدفعة وحاول يكلمها وخياله أكدله جدًا انها بتحبه فعلا بس مكسوفة ، ولما بعتلها طلب صداقة رفضت ، مأخدش صدمة بالعكس بررلها موقفها بأن ممكن يكون والدها او اى حد من قرايبها عندها على الاكونت وهى بتكسف !
11- يكون عنده حاجة مش عند حد تانى ..
12- ميكونش عايز يجذب البنات اصلا ..
13- ميكونش فى صيدلة ولا فى حاسبات ومعلومات ، ها O.o ؟!
14- ميكونش سقط سنة فى الكلية ، وخاصة اول سنة O.o !
15- يكون شاطر فى الدراسة مش لازم اوى بس يكون شاطر وخلاص او مش شرط مستواه الدراسى برضو ..
16- يلبس تيشيرت اسود او كحلى او احمر عادى الاحمر على فكرة للرجالة !
17- مش شرط يكون جسمه حلو اوى او يكون بيلعب سلة او يقول عليها باسكت ..
18- يكون بيعرف انجليزى بس مش بيستخدمه عمال على بطال ..
19- يكون عنده معلومات كتيرة جدًا ..
20- ميكونش بيتكلم كتير ..
21- متحاولش تبين انك غريب او بتعانى من مشاكل مضيقاك ..
22- متبقاش اوفر وكئيب وحاجة تالتة كدة ..
واحد صاحبى عظيم بجد ، لقى بنت رائعة ماشية فبسبسلها البنت بصتله وقالتله فى حاجة ؟ فكرته بيناديها عشان حاجة وقعت منها !
23- ملكش دعوة بصحباتها البنات ..
24- متتكلمش عن نفسك كتير حتى لو كنت المستشار الرسمى لبيل جيتس ..
25- خليها تضحك من غير ما تعمل اراجوز ..
واحد صاحبنا كان بيتفرج على حلقة من حلقات مغامرات مارتن الكارتون الشهير فالمفروض مارتن فى الحلقة عاكس بنت وقالها انها حقيبة رائعة ما رأيك فى ان يحملها لكِ شخص ما ، بصتله بقرف ، صديقنا ده حاول يجرب الطريقة دى بالعامية البنت خافت والاحتمال الاكبر انها فكرته حرامى 😀

26- متبقاش رومانسى وحساس 😦  ..

اللى قبل اخيرًا بقى متهتمش بانك تجذب بنت بأى حاجة من اللى فوق الا لو كنت فعليًا تمتلك حاجة منهم لو مكنتش تمتلك حاجة ، غير كدة حاول تدور فى جوجل على حاجات تانية ممكن تكون عندك ، ويكى هاو هيساعدك كويس برضو 😀

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading ازاى تجذب بنت at Orange Notes.

meta

%d bloggers like this: