رواية ” من داخل المدينة الشريرة ” الجزء الاول

October 4, 2014 § 3 Comments

 تدور الاحداث فى مصر وبالتحديد محافظة القاهرة – المدينة الشريرة – حيث الضوضاء ودرجة الحرارة المرتفعة والاعداد الهائلة من البشر التى تتزاحم يوميًا فى الشوارع ووسائل المواصلات وكأن هنالك موعد واحد لكل الوظائف ، وواجهة واحدة لكل البشر ، او لربما الكل يعمل بنفس الوظيفة 😀 ، وبما ان تلك هى عادة سكان القاهرة التى يفعلوها يوميًا فأصبح الامر بالنسبة لهم امرًا عاديًا الى حد ما ما عدا هؤلاء الشباب قليلِ الخبرة حديث السن فلم يكن الامر بالنسبة لهم كما بالنسبة لهؤلاء الذين يتكرر يومهم هذا للمرة المليون لكنهم برغم الزحام اليومى تجد كل شخص منهم لا يدير رأسه عن تلك الشاشة الصغيرة التى فى يده حتى لو لم يفعل عليها شيئًا عاجلًا او مهمًا ، لا نستطيع ان نقول هروب من المجتمع المحيط بقدر ما هو ادمان لتلك الشاشة المطيعة التى تجلب لك ما تريد انت لا تريد هى ، ما يسعدك ، ما تحب رؤيته ! ، ها هى دورة الحياة يتغير الزمن ويتغير الاشخاص فتتغير الحياة ، الحياة فى دورتها للبشر كسباق للعدو يسلم كلا منهم الراية للاخر من نفس الفريق ، فهناك اشخاص تولد لتحافظ ع بقاء العائلة وهناك من يكبر ليسلم راية الابوة لابناءه وهناك من يتحلل ليسلم مكانه لمن يلحق به ..
داخل احدى بيوت تلك المدينة يطرق الباب استاذ احمد عفيفى – مدرس رياضيات للصف الاعدادى – يختفى فى لحظة من كان فى صالة المنزل ليخلوا طريقًا للرجل ..ا.احمد : السلام عليكم ، منزل الاستاذ عبد الرحمن سليمان 🙂 ؟
عادل : اه ، حضرتك الاستاذ احمد ؟
ا.احمد : اه ..
عادل : انا اخو ديانا اللى حضرتك جى تديها درس ، اتفضل ادخل :)صور لافراد العائلة كلها تملأ جدران المنزل ، هناك صورة اخمن انها صورة اب الاستاذ عبد الرحمن ، وهذه صورة ديانا عندما كانت صغيرة وهناك صورة اخرى لبنت فى نفس شكلها ازعم انها اختها الصغيرة وهذه صورة للابناء الثلاثة والاب والام ، الصور لها نفس الاطار الذهبى الذى يتناسب مع لون الحائط شئ رائع !
تأتى الطالبة ديانا لتقطع تخيلات وتأملات المدرس قائلة :ديانا : السلام عليكم ا.احمد ، ازى حضرتك 🙂 ؟ البيت ميتوهش ، مش كدة 😀 ؟
ا.احمد : وعليكم السلام ديانا الحمد لله كويس ، لا والدك قالى اول عمارة فيها دور بيتبنى تقابلك فى الشارع عشان فى اتنين كدة ، بس محددش لو كنت جى من انهى ناحية فواضح انى جيت عكس الاتجاه اللى كان مفكرنى هاجى منه ، بس الحمد لله حصل خير 🙂
ديانا : طاب كويس ، حمد لله ع سلامتك 🙂
ا.احمد : الله يسلمك ، المهم بما اننا لسة فى بداية السنة صحيح مش البداية اوى ب لسة قدامنا وقت فهبدأ اراجع ع المناهج اللى فاتت والاساسيات ، اتفقنا ؟
ديانا : تمام ، اتفقنا !
تدخل الام بعصير المانجو وكوباية الماء بعد ربع ساعة من بداية الدرس وتقطع الشرح ..
الام : السلام عليكم ، ازيك يا ا.احمد ، ديانا بتتجاوب معاك ؟!
ا.احمد : اه بنت حضرتك ما شاء الله عليها ذكية جدًا ..
ديانا بابتسامة ثقة : انا شاطرة اصلا ..
بعد ساعة ونصف .
ا.احمد : كدة كفاية النهاردة المرة الجاية تعملى حسابك هخلص معاكى مراجعة وتحلى الواجب كله ، ان شاء الله الحصة الجاية هتكون يوم الاربع الساعة 5 !
الام : بنت عمها مريم وواحد اسمه احمد فؤاد عبد الخالق هيجى كمان م الحصة الجاية 🙂
ا.احمد : تمام ..

لمن لا يعرف ، فى مصر يدخل الطالب المدرسة من اجل الشهادات فقط هناك حيث لا تعليم سوى من الكتب المدرسية التى تعطى نبذة عن كل شئ واغلبية المدارس لا تساعدك ع الدراسة التى تجعل تنجح فى امتحان نهاية العام ، لذا فيأتى ولى الامر برجل ليس من المهم ان يكون ذى خبرة بالتربية او التعليم ولكنه يعرف كيف يوصل المعلومة للطالب ، بمساعدة الكتب الخارجية واحيانا الكتب المدرسية !

يرن هاتف استاذ احمد عفيفى فيرد قائلًا : السلام عليكم ..
احد الطلاب : وعليكم السلام ، ا.احمد عفيفى معايا ؟
ا.احمد : اه ..
الطالب : ازيك يا استاذ احمد انا رامى ابراهيم ابن بشمهندس ابراهيم ثابت صاحب حضرتك 🙂
ا.احمد : ازيك يا رامى عامل ايه ؟ وابوك عامل ايه ؟
رامى : الحمد لله تمام ، وبابا تمام .. كنت بقول لحضرتك انا عايز اخد درس عند حضرتك بس انا عايز ابدأ م الاول ، كمان حاجة شوف حضرتك فاضى امتى عايزين نتكلم شوية 🙂
ا.احمد : تمام بالنسبة للدرس فى شوية طلاب لسة بادئين جديد هكلمهم ولو كدة تعالا خد معاهم ، وبالنسبة لميعاد نتقابل نتكلم فيه بكرة ان شاء الله تعالالى الدرس الساعة 7 🙂
رامى : تمام ، بس اسمهم ايه اللى هاخد معاهم درس دول ؟!
ا.احمد : بيت عبد الرحمن سليمان اللى فى شارع الفؤاد لو تعرفه ، بدى هناك لواحدة اسمها ديانا وشوية ناس تابعها 🙂
رامى : لا معرفهمش .. ع العموم شكرًا لوقتك ، وبكرة هنتقابل الساعة 7 زى ما اتفقنا 🙂
ا.احمد : ان شاء الله ، مش عايز حاجة ؟
رامى : لا الله يخليك شكرًا ، مع السلامة ..

حمل الجزء ده pdf من هنا
ان شاء الله هكملها ع اجزاء هتنزل فى مدونتى

Advertisements

Tagged: , , ,

§ 3 Responses to رواية ” من داخل المدينة الشريرة ” الجزء الاول

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading رواية ” من داخل المدينة الشريرة ” الجزء الاول at Orange Notes.

meta

%d bloggers like this: