18عن ما فوق الـ

May 19, 2014 § Leave a comment


 البوست هتكلم فيه عن المواقع الاباحية والحاجات دى ، بداية كدة انا طبقًا للقواعد الاسلامية مش قليل الادب ودى اكتر حاجة تهمنـى
حقيقـى انا معرفش بوست بيتكلم عن ” الاباحيات ” +18 ولا لا ، بس هو ع العمــوم مفيد للاتنيـن ويارب يفيدكـم !

احم احم ، فى اسباب كتيرة خلتنى اكتب بوست زى ده واعتقد ان اهمهــم كان سؤال لصديق اصغر : اعمل ايه فى الحاجات دى ؟!
فانـا حبيت اكتب الاجابـة عامـة ، وانا متأكد ان عدد صغير هو اللى بيدور لحل عن السؤال ده …
* انا مش شيخ ولا هعمل فيها شيخ ولا عندى اسلوب او علم اوضحلك بيه كل حاجة انا هقولك كلمتين عارفهم يمكن يفيدوك وهنصح نفسى واياك كأنى اخ ليك وهديك حاجة فى الاخر ،، اتمنى انك تتقبل كلامـى 

بص هو مش لازم اقولك ان ربنا بيقول :{قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ} [النور: 30] ولا الاحاديث اللى انت عارفها وحافظهـا ..

انا بس هنبهك لضعفك ، تعرف انك لما تتفرج ع الحاجات دى بتبقى ضعيف جدًا فى شخصيتك وديمًا شاكك فى نفسك وبتبقــى زى المدمن فى تفكيرك بس الحقيقة انك مدمن بالفعل كل شوية تقول مش هتفرج وترجع تانى مش عارف تتحكم فى نفسك فى اى حاجة واللى ميقدرش يتحكم فى نفسه ميقدرش ينجح ،، مشاهدتك مش هتضرك فى الدقيقتين اللى انت بتتفرج عليهم اوعى تفكر كدة مشاهدتك هتضرك فى مليون حاجة تانية ، كفاية ان عينك هتشوف كل البنات عبارة عن جســد بس ولما هتتجوز هيبقى جسد انت متعود عليه مش هتحس بطعم انها مراتك ملكك بالحلال ، لما تيجى تحب هتحب لمجرد انها جنس تانى وخلاص مش هتبُص لتفاصيل فى صفاتها ، هتحب هيكل وبس !

حاجة تانية ، واحد بيفرق فى العدد فمتخليش نفسك ” View ” لفيديو اباحــى يساهم بدخل لاصحاب الفيديو يخليهم يعملولك فيديو تانــى ،، خليك راجل خليك مسلم خليك مفيد !

الاسلام اللى احنا عايشين تحت لوائه مش هيحميه ولا هيشرفه انســان ضعيف ، الاقصـى هيتحرر بعقول حرة مش عقول مدمنة ضعيفة قدام فيديوهــات اباحية ، حاول تجاهد نفسك صدقنى والله العظيم متعة تحكمك فى نفسك احسن من متعة المشاهدة ، جرب لو مش مصدقنى !

** معلومة : الشهوة بتقعد 30 دقيقة وبعدين بتقل بالتدريج فحاول بقدر الامكان تتحكم فى نفسك ابعد فكر فى حاجة تانية شوف الفيديو رقم [1] وصدقنى اللى يتحكم فى نفسه هيقدر يتحكم فى اللى حواليه  قول الجملة دى بصوت وتأملها ” انا مسلم ” وكل اللى ضحوا وبيضحوا عشان الاسلام يفضل ، انت بتضيعه ومتستهونش بكلامى 

[1] ده فيديـو حلو مدته 1:26 كان بيتعرض ع قناة MBC ياريت تحطه عندك ع الموبايــل وتشوفه كل اما تضعف http://goo.gl/fWcIt2 

[2] ده فيديـو تانــى Animation بس رائع جدًا هيقولك تعمل ايه مدته 4:21 ياريت تتفرج عليه http://goo.gl/pGNM9t 

[3] اغنية Awaken – Maher Zain اسمعها http://goo.gl/ej9Bl6 

ربنا يهدينا وينفع بينـا العالم ويساعدنا فى مجاهدة نفسنـا 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading 18عن ما فوق الـ at Orange Notes.

meta

%d bloggers like this: