اعمل الصح

September 9, 2013 § Leave a comment


انا مش هتكلم كتير فى التدوينة دى انا بس عايز اوضح حاجتين لاى حد ممكن يقرأ كلامى ،،

احنـا فى دولة الظلم والواسطة والفساد والتوريث فيها اساس القانون ان لم يكونوا هما القانون كله ، وده مش لحاجـة غير لان الجهــل عندنــا اساس التعليم تقدر تقول كدة احنا بندخل المدرسة عشان نتعلم الجهــل وبس ،،

الحاجة الاولــى :  لا الحكومة و لا اى ميديا تابعة ليها بتقول الحقيقة عشان ببساطة لو الحكومة قالتلك الحقيقة هتقلب عليها فى الاخر والسلطة فى عيون الحكومات تستاهل تكدب وتقتل وتعتقل عشان تبقى ليها اكبر فترة ممكنة او بالميت عشان تدارى كذب وسرقة السنين اللى فاتت ،،
هى بس تطلع اى حد ضدها بلطجى او ارهابى يعنى “كُلاً بما يليق به” ودى هما خبرة فيها وطبعا زى ما انت اتربيت من وانت صغير على ان الشرطة فى خدمة الشعب هتصدقها زى “الحمار” وهتفضل تسب وتلعن فى سلسفيل اللى بيعترضوا على اى قرار الحكومة طلعته مهما كان القرار ومهما كان اللى بيعترض ولو شوفت اى مظاهرة معارضة هتطيح فيهم زى “الثور” بالرغم من انك اصلا مش فاهم ولا حاجة انت بس بتضرب عشان مفكر ان الحكومة بتحميك ولو انت اعترض عليها هتلاقى ناس كتير زى ما انت كنت هيعملوا فيك زى ما كنت بتعمل ..

الحاجة التانيــة : لو انت خايف من الاعتقال او القتل او الحاجات دى ،، بص حواليــك هتلاقى انك اصــلا عايش فى سجن بس كبير شوية والعلاقة طردية بين السجن الكبير والسجن الصغير وعلى قد زيادة المساحة هيزيد كلاب السجون ،، وبعدين انت لو اعتقلت واتفحت عندهم ما انت ضميرك بيفحتك اصلا لما تسكت يعنى كدة كدة مفحوت ،، ولو قتلوك ليس على القتيل حرج وبعدين لو كانت حياتك حلوة مكنتش نزلت اصلا تعترض عليها وتطلب حياة افضل ،، يعنى يدوبك شكة رصاصة وتعيش حياة اجمــــل ان شاء الله ،، او لو بقى حكومتك طلعت عسل وسو كيوت وكدة هتعرف تحقق حلمك بحياة افضل فى وطنك .

من الاخر اعمل الصح اللى يرضى ضميرك وبس وفكك من اى حد يخوفك ،، عشان هتخاف هتموت زى الملايين مش هتخاف هتموت بشرف ،، وعلى فكرة مافيش خلود !!

وبعدين بقى بطلوا افورة المكتوب مكتوب ،، بس احنا نتفائل حتى لو مافيش حاجة تستدعى كدة 😀
وزى ما تامر حسنى قال “ولسة اللى جى احلى ” ،، اكيد طبعــاً مافيش اخوانى هيسمع تامر حسنى 😀

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading اعمل الصح at Orange Notes.

meta

%d bloggers like this: