ولما تحب

September 5, 2013 § 1 Comment


الكلام فى السياسة ادمان وحلو مفيش كلام ،، بس جو الانفجارات وكدة اخره تويتة ع  التويتر او بوست ع الفيس وخاصة ان الوزير ما متش ولسة على قلبنا يعنى لو انتى بتحبيه  فانا اقصد لسة على قلبنا زى العسل #مقصودة   ، عشان كدة قولت اغير فى التدوينة دى واتكلم عن الحـــب   O.o
ايه قلة الادب دى  ؟؟
صح صح اسفين يا بنى آدمين..
يعنى لا السياسة عجباكوا ولا الحب كمان عاجبكوا ،، احم احم هبدأ بسم الله
ولما تتنيــل على عينك وتحب واحدة قمـــة فى التقــل والغلاســـة ومتعرفش تحدد هى بتحبك ولا لأ ،، تلاقيها مرة تبينلك بكلامها انها قبلاك ومرة تبينلك بكلامها انها رفضاك وانت طبعـاً كإنسان طبيعى بتقول مش مهم خليها تتكلم براحتها بكرة ربنا يعدلها وبعدين هى هتحبنى كدة على طوول لازم اضحى،، الله اعلم بقى انه شخصيتها الحقيقية وانه المؤقت اللى بيتغير حسب طبيعة مودها ،، بس المهم فى كل ده انها تحبك سيبك انت مش انت اختارت شخصيتها يبقى خلاص استحملها !!
المهم تفضل تحاول وتفكر ازاى تاخد منها معلومة مفيدة متعرفش وعشان ادبها ممكن مرة تعبرك وترد و100 مرة ولا كأنك هنــا ،، ومهما تقنع فيها انك بتحبهــا ومعندكش مانع تكمل لو هى عايزاك و هى برضــو شيفاك بتتسلى وهتنساها ، طــاب واتسلــى على واحدة بس ليه ؟ مادام ممكن اتسلى على الف غيرها وبعدين لو الموضوع فى التسلية ايه اللى خلينى اتسلى بواحدة تقيلة ومحترمة زيها ،، والله مش عارف O.o
التضحيات دى بقى حاجة تانية خالص ومهما كبرت بتكون قليلة على الطرف التانى ويستحق اكتر من كدة ،، بس المشكلة الكبيرة اللى ممكن تعطل تضحياتك كلها مش انك عاجز لا ان انت عايز منها دافع يخليك تعمل المعجزات عشانها ،،صح صح الدافع مهم جـداً بس هو ممكن حبك وقوته يعوض الدافع ولا الدافع اقوى ؟ ما عتقدش الدافع اقوى خالــص اكيد الحب اقوى بس اللى بيقويه الدافع برضو مش لاقى كلام اقوله فى الموضوع ده هسكت احسن ..
البنت اخلاقها عالية فى السما ودى حاجة عظيمة جداً ونادرة اصلا ،، بس غالبـاً فى البنات المحترمة جداً اهلها بيكونوا مسيطرين بزيادة مش بيعترفوا بالكلام الاهبل اللى انا قاعد ارغى فيه م الصبح وواجع دماغ سيادتك بيه وخاصة بقى لو عندها اخ اكبر منها ومنك ده بقى بيبقى رضاه مهم للغاية تحس انك لو خسرته ممكن تضيع حياتك كلها اصــلا ده بقى لازم تهتم بيه شوية بس من غير افورة عشان بتبان وبتبقى بايخ وهو مش اهبــل!!
السياسة طبعا لازم تبعد عن الحب خالص عشان رأيك السياسى فى كفة ورأى حبيبتك السياسى فى كفة ،، مثلا لو انت مش طايق السيسى وهى بتحب السيسى مش عيب تيجى على نفسك وتحط صورة السيسى بروفايل بيكتشر بتاعتك عادى يا عمونا ابقى اعملك  بيج واشتم فيه السيسى براحتك من وراها بس متزعلهاش منك عشان واحد زى ده   يعنى لو انتى بتحبيه فانا اقصد واحد زى ده كيوت #مقصودة_برضو “  😀
اخر حاجة بقى عشان انا زهقت من كتر التكتكة على الكيبورد ،، حياتك دى طريق اجبارى هتعيشه مرة واحدة فحاول متكترش فى مواضيع الحب بتاعتك يعنى لو بتحب واحدة وهى بتحبك او ناوية او فى امل فمتتسلاش بغيرها عشان حرام ومش متعة صدقنى زى ما انت مفكر ،، وربنا يسعد كل النـــــــــــــــــــــــاس ومحدش يفهمنـــى غلط 😀
 والسلام عليكم ورحمة الله وبركاتــــــــــه
Advertisements

§ One Response to ولما تحب

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading ولما تحب at Orange Notes.

meta

%d bloggers like this: