عسكر وفلول O.o ورئيس طرطور

August 13, 2013 § Leave a comment


                                                                    بسم الله الرحمن الرحيــم

                         مضحكش فى ولا صورة على فكرة ^_^                               


اعتذر بداية عن كتابتى تلك التدوينة بالعاميــة واتمنى قبول العذر ❤

موقفــى واضح قبل ما تقــرأ لما اقول الحق واللى شايفه صح مش بشوف انا مع مين ولا ضد مين الحق ديما احق ان يُتبــــــــــع ..

النهــاردة انا فى اجازة بنام براحتى واصحى براحتى بس عشان اعلان حركة المحافظين وكدة قولت اصحى بدرى شوية عشان اشوف ايه النظام بعد الاخوان ،، وإذ بالمفاجــأة
اللواء فلان الفلانى ومن بعده اللواء علان العلانى ومن بعده اللواء زفتان الزفتانى .. حط عليهم كمان ستاشر لواء لا وكلهم عواجيز اه مفيش شباب وسيبك بقى انت من جو اللى عملوا الثورة شباب واللى ماتوا شباب واللى بيموتوا شباب واللى هيموتوا شباب سيبك ده كل ده كلام ،، الحكومة بتعمل اللى على مزاجها وتحط الشعب فى غسالة المخ للميس الحديدى والاعلام ،، لاوالمحافظين الجداد بيحلفوا قدام صنــم بقول لاخويــا هو الراجل ده عامل كدة ليــه ؟؟ وازاى الناس اللى بتحلف قدامه ماسكين نفسهم من الضحك لما يشوفوا واحد زيــه ؟؟ ده انا لو بحلف قدامه ده انا كان زمانى اتفش** من الضحـــك اول ما شوفتــه 😀 فضلت نصف ساعة قاعد بعد الشباب اللى هشوفهم او الثوريين اللى متوقعهم ،،


ايه ده كله عسكر على فلول ميكس يعنــى ، طــاب والناس اللى كانوا بيقولوا هو فين حكم العسكر ده بيقولوا ايه دلوقتى ؟؟ اكيد متفاجأيين مش كدة ؟؟ لا ويقولك ده العسكر بيحافظ على ثورة يونيو ومش هيركب ؟؟ العسكر ده حمانا ؟؟
اه فعـــــــــــــــلا حماكوا انتوا !! انا لسة سينجـــل ^_^

طويب بلاش نفكروهم بالايام دى احنا عارفين ان قيادات العسكر بتاعنا مأفورة حبتين ومالهمش أمــان ..

انا بقى عايز اتكلم عن الداخليــة الطاهرة اللى هتروح تفض اعتصام رابعة باى طريقة عشان احنا فى بلد الديمقراطية وحرية التعبير زى ما بيقولوا !!
ولا اقولك خلينى اتكلم احسن عن السيد الرئيس الكبير الكبير اوى الكبير خالص حسنى مبارك – مع احترامى لاحمد مكى – اللى اتقارن بمرسى ،، يا سلام !! عمرك شوفت حرامــى بقاله 30 سنة فى المهنة بيتساوى براجل تانى مالوش شغلانة غير انه طلع من سجنه قعد سنة يتشتم ويتبهدل والناس تتريق عليه ورجع لسجنه تانى ،، طــاب بزمتك مين يستحق البهدلة الحرامى اللى سرق وقتل وزور وضيع مستقبل اجيال وضيع بلد فى 30 سنة جهل وتخلف وكذب ولا الراجل المغفل اللى اترشح لرئاسة مصر وكسب وبقى رئيس ومعرفش يعمل حاجة فى سنة واحدة بس ،،

مش هخليك تفكر افكرلك انا عندك الشعب بتاعنـا ده بيقول على الداخلية عشان وظيفتها تحمينا انها بتحمينــا بجد حتى لو بتقتل صحابنا من غير ذنب ولو حتى بيشجعوا كورة وكل اما شوية شباب تنزل تعمل ثورة يطلع الشعب الفاهم يقولك العسكر هيحميها عشان دى وظيفته وفى الاخر يركب ويدلدل بزمتك مش عادى لو قالوا كل شوية ان العسكر هو اللى بيحمينا او الداخلية بتطهر مصر حتى لو شافوا العكس !! انــا شايف ان اكتر ناس شغالة فى مصر هما الاعلام اللى الحاج مرسى ملحقش يطهره وهو فعـــلا اللى وقعه وهو هو الاعلام اللى هيوقع مصــر !! وربنا يستر

بالمناسبة لما دولة يكون صاحب مصيرها ناس كل شغلتهم الفن الهابط اللى بوظ الشباب والناس العاقلة اللى فيهــا بيتقال عليهم ناس رجعية ومتخلفة وهيرجعوا البلد مليون سنة ورا ..ه 


بجــد مصــر عمرهــا ما هتتصلــح طوول ما كل واحد بيشوفها من النظرة اللى فيها مصلحته وللاسف الكل بيشوفهــا كدة 😦

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading عسكر وفلول O.o ورئيس طرطور at Orange Notes.

meta

%d bloggers like this: