بين القاضى والرئيس يفتح الله

July 6, 2011 § 1 Comment


                                                              

                                                        بسم الله الرحمن الرحيم

كلنا عرفنا التأجليات وسمعنا عن الافراجات فى السويس
فحبيت اكتب لكم هذا الحوار الساخر بين القاضى والمخلوع
الحوار من وحى خيالى يدور عن القاضى والمخلوع عندما يرجع للكرسى

بكرة يطلع المخلوع ويقول للقاضى : مصر أمى وانا ابنها الكبير وكنت باخد منها فلوس واللى كانوا فى السجون ظلم اخواتى الصغيريين..بهزر معاهم
ويروح القاضى قايله : ابن نكت والله يا ريس ، بس احب اهنيك مبروك يا سيادة الرئيس هديلك إفراج انت واولادك والهانم
بس ما تقولش لحد ولا مين شاف ولا من ديرى ..
 الريس : ربنا يخليك يا قاضى
القاضى : هتحكم البلد امتى تانى يا ريس ؟
الريس : اروح اغير هدومى وعلى كرسى الرئاسة عدل
القاضى : الشعب كل بيحبك يا ريس
الريس : وانا كمان ، بس هما ولاد ……. اللى فى التحرير واللى بيقعدوا على الفيس بوك بس اللى بيكرهونى . بس مسيرى هلغى الفيسبوك واولع فى التحرير ..
القاضى : الله ينور عليك يا ريس هو ده الكلام
الريس : بقولك ايه اومل فين بقيت الشلة والواد انس راح فين ؟
القاضى : طبعاً يا ريس طلعتهم كلهم
الريس : ياسلام عليك يا قاضى انا هخليك حاجة كبيرة فى الدولة ده انت قاضى عادل بس ياريت تسيب الواد عز والهلف الطويل ده فى السجن عشن ماحدش يزعل مننا ..
القاضى : حاضر يا ريس ،  يا ريسنا كلنا بنحبك اوى !!
الريس : بس انا عايز اشوف القناة الحكومية بتاعتنا اوعى تكون اتغيرت
القاضى : اللى اتغير بس شوية ناس حضرتك كنت بتكرههم بس الاسلوب هو هو
الريس : طمنتنى ياقاضى
القاضى : طب ومشروع القراءة للجميع بتاع الهانم والمدارس بتاعة سيادك ؟
الريس : ما تقلقش زى ما عاملتها فى سنتين هترجع تانى
القاضى : على اى حال ربنا يتمم بخير يا ريس واشوفك كدة احسن من الاول
الريس : ربنا يخليك بس ليا طلب عندك

القاضى : انت تؤمر يا حبيبى
الريس : انا عايز اخلى الواد جمال نائب الرئيس وارجع قانون الطوارئ
القاضى : بس هو ما تلغاش رسمى
الريس : انا فعلاً سايب رجالة
القاضى : تلامذتك يا ريس
الريس : بس انا سمعت كلام مش حلو
القاضى : خير اللهم اجعله خير !!
الريس : هو فعلاً شوية العيال دوول نازلين التحرير 8 يوليو
القاضى : ما تقلقش بينزلوا ساعتين وبعدان كله على بيته
الريس : بس انا قلقان اوى
القاضى : ما تقلقش الشباب بس هما اللى بيطالبوا بحريتهم وباقى الشعب ماعدا عائلتك والناس اللى بتحبهم جبنا
الريس : ههههههه ماشى يا عم هسيبك بقى واروح اغير هدومى وارجع للكرسى واحشنى اووى
القاضى : وبعدان هتعمل ايه مع شباب الثورة “البلطجية” ؟؟
الريس : اديك قولت “بلطجية” هحبسهم كلهم وبعدان اقفل النت فى الجمهورية كلها ولا فيسبوك ولا تويتر ..
القاضى : طب والتحرير ؟؟
الريس : عادى خالص هخليه جنينة حيوانات مفترسة واحوطه بالاسلاك الشائكة !!
القاضى : عبقرى والله يا ريس
الريس : انفع رئيس صح
القاضى : هههههههههه طبعاً يا فندم
الريس : اخبار فلوسى ايه
القاضى : كله تمام ولا مليم الشعب خده
الريس : تعرف يا واد
القاضى : ههههههه زى ما تحب واد او بنت حتى
الريس : ده انت حبيبى بس بهزر معاك
القاضى : دمك زى العسل
الريس : شكراً ، تعرف المشير ده طلع ابن حلال
القاضى : طبعاً يا ريس
الريس : مش ناكر للعشرة والعيش والملح
القاضى : صح يا فندم
الريس : اتأخرت على الكرسى ، سلام قبل ما الناس تعمل ثورة تانية 
القاضى : سلام يا ريس بس عايز اكلم معاك تانى
الريس : حاضر يا واد ، ههههههههه
القاضى : ماتحرمش منك ومن دمك الخفيف



Advertisements

§ One Response to بين القاضى والرئيس يفتح الله

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading بين القاضى والرئيس يفتح الله at Orange Notes.

meta

%d bloggers like this: